السلام عليكم ورحمة الله وبركاته
كل واحد فينا لما بيفكر يشتري حاجة تلاقية عمال يسال ناس كتييير
واحد يقولو الصدق والتاني يغشة واحد يفتي والتاني يخرف وهكذا
في الاخر يلاقي نفسة يا اما لغي الموضوع اصلا او اشتري واخذ
مقلب محترم علشان كدة انا فكرت اكتبلكم موضوع يحط الخطوط
العريضة ويحددلك ملامح الموضوع من الناحية الاقتصادية والفنية
اول حاجة لازم تعرفها ان ميصحش ابدا انك تكون صاحب مطبعة كبيرة او شركة ضخمة وتشتري ماكينة متواضعة
وبردو ميصحش انك تكون صاحب مكتبة صغيرة او مشروع متوسط وتشتري ماكينة ذات امكانيات ضخمة
علشان كدة انا هسألك 3 اسألةبعدها هنحدد مواصفات الماكينة اللي محتجنها بدون بخل او اصراف
1- اية حجم شغلك علي الماكينة ؟
يعني هل انت مطبعة او مركز تصوير ولا شركة ولا مكتب محامي ولا مكتبة ولا..... ولا..... الخ
2-اية طبيعة شغلك علي الماكينة ؟
يعني هل انت بتصور من اصل واحد نسخ كتيرة ولا بتصور اصول كتييرة نسخ قليلة
3- اية نوعية شغلك علي الماكينة؟
يعني هل تصويرك علي ورق عادي ولا بتحتاج تصور علي ورق كلك او استكرات او..........الخ
بعد ما نجاوب علي الثلاث اسألة دي هنكون حددنا حجم التصوير الشهري سرعة الماكينة وامكانيات الماكينة المطلوبة
هنقسم ماكينات التصوير علشان كل واحد يعرف هو محتاج اية بالضبط
عايز اقولكم ان ماكينات التصوير ليها اكتر من تقسيمة بس انا هستعرض هنا التقسيم الاهم اللي هيفدنا
التقسيم حسب السرعة تنقسم الي ثلاث فئات
للاستعمال الخفيف
low volume
ماكينات تصوير سرعتها اقل من 15 صورة في الدقيقة
حجمها صغير
سعرها قليل
امكانيتها بسيطة
قطع الغيار رخيصة
صيانتها بسيطة لدرجة ان العميل بعد شوية بيعمل معظم اعمال الصيانة بدون الحاجة الي المهندس
جودة الصورة : جيد
ودي ماكينات تناسب مكتبة صغيرة او مكتب محامي
او بشكل ادق تناسب اعمال في حدود اقل من 10.000 صورة شهريا اوعواتفكروا ان الرقم دة كبير
متـوسطــــة الاداء
medium volume
ودي ماكينات سرعتها من 15 الي 45 صورة في الدقيقة
ومن اسمها تلاقيها فعلا متوسطة في كل شيء
يعني زي ما بيقولوا خير الامور الوسط
سرعة مناسبة
حجمها متوسط
اسعار قطع الغيار معقولة
جودة الصورة : ممتازة
سعرها كمان يعتبر كويس بالنسبة لامكانياتها
ودي تناسب قاعدة عريضة من العملاء
مكتبة متوسطة او شركات او مراكز تصوير
او بمعني ادق تناسب حجم شغل 20.000 صورة في الشهر
عــاليــة الاداء
high volume
دي ماكينات تصوير سرعتها اعلي من 45 صورة في الدقيقة
ماكينة قوية واعطالها قليلة
قطع غيارها مناسبة
عمرها الافتراضي ملايين النسخ
او بمعني ادق تناسب حجم شغل اعلي من 30.000 صورة شهريا الي 60.000 صورة لوحدها بعد المعدل دة ربما تحتاج
ماكينة بجوارها لتوزيع الشغل عليهم